domingo, 23 de agosto de 2015

JO TA KE, SU TA GAR!!


Abuztuak 15, Larunbata. Donostian kontzertu itzela dago. Portu aldean, Su ta Gar mitikoak daukate hitzordua. Suak eta gero, zalegoa pixkanaka agertzen hasi zen. Leku egokia hartu eta "heavy" mitiko hauen sesioa noiz hasiko desiatzen geunden. Bapatean azaldu ziren gure lau protagonistak: Aitor Gorosabel (kitarra, ahotsa), Xabi Bastida (kitarra), Igor Diez (baxua) eta Galder Arrillaga (bateria). Hainbatetan ikusiak, forma onean zeudela argi utzi zuten eta normala baino erritmo biziagoan burutu zuten kontzertua. Aspaldi ikusi dudan kontzerturik borobilena izan zen Eibartarrena; nahiz eta kontzertu erditik aurrera arazo tekniko batzuk izan. Beraien diskografiaren errepaso zehatza burutu zuten, eta klasiko guztiak entzun eta gozatzeko aukera izan genuen: "Mari", "Begira", "David eta Goliath", "Jo ta ke", "Jainko hilen uhartean", "Jaiotze basatia", "Azkar zuregana", "Nazka", "Itxaropena", "Rotaflexa garraxika", "Haika mutil", "Agur jauna", "Hitz margotuak", "Gau iluna amaitu da", "Txakurrak solte", "Ametsak pilatzen", "nazkatu naiz",........izugarria. Erritmo itogarri batean abestiak bata bestearen atzetik ziztu bizian. Motibatuak, indarrez beteak, izugarrizko kontzertua eskeini zuten. Zalegoa, abesteaz gain, gogotsu azaldu zen animatzen eta burua astintzen. Emotiboa oso, eta garrantzitsuena, oraindik momentu handiak emango dizkigute. Handiak Su ta Gar!!