viernes, 25 de noviembre de 2016

TALDE GAZTEAK LEKUA ESKATZEN!!


Azaroak 19. Ekitaldi asko daude egun hortan, eta guk Andoaingo Gaztetxearen urteurrena probestuz, bertako kontzertuetara hurbildu giñen. Jotakie mitikoak ziren jotzekoak, baina azken momentuan huts egin zuten. Beraien lekua Dukkha Andoaindarrak bete zuten (2 aste lehenago jo zuten estreinekoz oker ez banago). Taldeak bi-ko formatuan jo behar izan zuen bere baxulariak ezin izan bait zuen azaldu. Dukkha taldeak Ruben (bateria), Maddi (baxua) eta Aimar (kitarra, ahotsa) osatzen dute.

Jende oso gutxi gerturatu zen, halere izan giñen apurrak taldeen saioari arretaz erantzun genuen. Animoak eta txaloak ez ziren faltan izan. Esan bezala, Dukkha bi musikariekin ekin zioten zuzenekoari. Animoz gainezka eta jendea animatu nahiean, motibaturik azaldu ziren momentu guztian zehar. Beraien estiloa deskribatzea zaila egiten zait, influentzia asko edukitzearen gauza da. Rock momentuak, abesti lasaiagoak, heavy edota stoner pintzeladak,.....ederki egin zuten eta guk txaloz erantzun genuen beraien proposamena. Abestirik gabe geratu ziren eta jo zuten lehen abestia errepikatu zuten saioa amaitutzat emateko. Gazteak dira, eta rock dosi oparo gehiago emango dituztela argi daukat. Aupa Dukkha!!


Bigarren taldea, Trini Fox hirukotea. Niretzako ezezagunak, hala ere jo zutena eta gero pixkanaka arreta hartzen joango direla argi daukat. gu behintzat harrituta geratu ginen beraien jarrera eta musikarekin. Suharri (ahotsa, kitarra), Iñaki (bateria) eta Gilen (kitarra) osatzen dute taldea. Azpeitia-Azkoitia-n sortutako formazioa. Rock eta stoner bortitza jo zuten, bolumena topera eta guk geldirik egon ezinik beraien erritmoan motibaturik. Bigarren kontzertu honetan jende dexenteago zegoela iruditu zitzaidan, eta askok, lehen hilaretan kokatu ziren musikaren oihartzunen menpe. Oso motibaturik azaldu ziren, eta indar hori trasmititzeko gai izan ziren. Bertsio ikaragarri bat ere eskeini ziguten, Queens of The Stone Age handien abesti bat ("you think I ain't worth a dollar, but I feel like a millionaire"). Konturatzerako saioa amaitutzat eman zuten, eta guk pozik, rock deskarga epikoa jaso ondoren. Handiak Trini Fox!!!

Beste behin, Andoaingo Gaztetxeko proposamenekin oso gustora. Eta oraindik urteurreneko ekitaldiak ez dira amaitu!!!