ROCK-STONER SESIO BORTITZA!!

Pasaden Martxoak 25ean, kriston ekitaldia ikusteko aukera izan genuen. Andoaingo Gaztetxea rock eta stoner doinuez busti zen. Betekada ez izan arren, giro polita sortu zen gaztetxean. Taularatzen lehenak Black Beauty izan ziren.

Azkoitiako laukoteak, rock kutsakorraz bete zuen zalegoen arima. Acdc edota Led Zeppelin bezalako maixuen influentziak bereganatu, eta abesti kañero zein zorrotzak eskeini zituzten. Garf, Gontxalo, Jontxu eta Uso-k osatzen dute taldea, eta hasieran gehiengoarentzat ezezagunak izan arren, jo zutena eta gero, jarraitzaile berriak lortu zituzten. Aupa Black Beauty, rock and roll!!

Rock klasiko ezinobeaz gozatu eta gero, Tutan Come On-en txanda. Hau da, stoner burrunba gure gozamenerako. Conde (kitarra, ahotsa) eta Salterain (bateria, ahotsa)-ek osatzen dute taldea, eta aski dute 2 musikariekin gure burmuinak lehertzeko. Bi disken abestiak tartekatu zituzten, denak himno puskak, noski. "Beti heltzen da drama", "Microsievert", "Jada hilda", "Toro sentado", "Knock knock polizia",.....erritmo bizigarrian iraun zuen kontzertuak. Zuzenean indarra eta motibazioa transmititzen dute, eta energia hori zalegoak txalo eta oiihuen bidez tartekatu zuen. Aupa Tutan!!

Beste behin, Andoaineko Gaztetxeko ekitaldiak ez zuen huts egin. Aupa zuek!!